ခရစ္စမတ် အထူးလက်ဆောင်
December 24, 2013
Tuesday
By မင်းစိုးစံ
နင့်ကို ငါ ချစ်တယ်လို့ မပြောခဲ့ဘူးပါဘူး။
နင်လည်း ငါ့ကိုချစ်တယ်လို့ မပြောခဲ့ဘူးပါဘူး။
နှင်းအေးအေးထဲမှာ သီချင်းအတူမဆိုခဲ့ရပါဘူး။
ဘုရားကျောင်းလည်း အတူမသွားခဲ့ရပါဘူး။
တစ်ယောက်နဲ့တစ်ယောက် ခရစ္စမတ်ကဒ်လေးတွေ တခါမျှ မပေးခဲ့ရဘူးပါဘူး။
နင့်အဖေအမေတွေက နင်နဲ့ငါ ဘာသာမတူတဲ့အတွက် မချစ်ရဘူးလို့ပြောသလို ငါ့အဖေနဲ့အမေကလည်း အဲဒီလို
ပဲပြောတယ်။
ဒီတော့ တို့နှစ်ယောက်ရဲ့ နှလုံးသားတွေမှာ ဒါဏ်ယာကိုယ်စီနဲ့ပေါ့ဟာ။
ဒါပေမယ့် ဗမာစစ်သားတွေရွာထဲဝင်လာပြီး ပစ်ခတ်သတ်ဖြတ်တာလုပ်တော့ နင့်အိမ်မီးလောင်သလို ငါ့အိမ်လည်း
ပြာဖြစ်သွားတယ်။
နင့်နွားနှစ်ကောင်နဲ့ နင့်ကျွဲနှစ်ကောင်ကို ဗမာစစ်သားတွေ သတ်စားသလို ငါ့ဝက်တစ်ကောင်နဲ့ ငါ့ခွေးတစ်ကောင် လည်း သူတို့စားပစ်ကြတယ်။
ငါတို့မိသားစု ထမင်းအိုးတွေကို ဗမာစစ်သားတွေရဲ့ သေနတ်တွေနဲ့ ပစ်ဖေါက်ပစ်တာခံရသလို နင်တို့မိသားစုရဲ့
သေတ္တာထဲက လက်ဝတ်ရတနာတွေလည်း ဗမာစစ်သားတွေခိုးတာ ခံရတာပဲမဟုတ်လား။
နင့်မိဘနဲ့ငါ့မိဘ လယ်ကွင်းတွေဖြတ်ပြီး ရွာနဲ့ခပ်လှမ်းလှမ်းက တောအုပ်လေးထဲမှာ ပုန်းအိပ်ကြတာအတူတူပါ။
နင့်အမေငိုသလို ငါ့အမေလည်း ငိုပါတယ်။
နင့်အဖေ တောက်ခေါက်သံပြင်းပြင်းနဲ့ အံကြိတ်နေချိန်မှာ ငါ့အဖေလည်း လက်သီးကိုကျစ်ကျစ်ပါအောင်ဆုပ်ပြီး အ
သံတိတ် မျက်ရည်ကျနေတာ တို့နှစ်ယောက်စလုံး အတူငေးကြည့်ဘူးတယ်။
ပြီးတော့ တို့နှစ်ယောက် တစ်ယောက်ကိုတစ်ယောက်ကြည့်ပြီး ပြိုင်တူငိုလိုက်ကြတယ်။
နင် ရွာကနေထွက်သွားတဲ့အချိန်မှာ မကြာမတင်မှာ ငါလည်းရွာကနေထွက်လာခဲ့တယ်။
နင်က ထိုင်းသူဌေးအိမ်မှာ အိမ်ဖေါ်လုပ်သလို ငါလည်းတရုတ်သူဌေးရဲ့ ဆန်စက်မှာ စပါးကြိတ်ပေးပြီး ၀က်မွေးခဲ့ရ
ပါတယ်။
နင်နဲ့ငါ ဘာသာမတူပေမယ့် ငါတို့တတွေရဲ့ဘ၀တွေက အတူတူပဲနော်။
ကဲအခု ငါတို့တတွေအိမ်ထောင်ပြုကြတော့မယ်။
နင်လည်း နင့်အဖေအမေသဘောကျတဲ့လူနဲ့ယူခဲ့သလို ငါလည်း ငါ့မိဘသဘောတူတဲ့သူနဲ့ယူခဲ့တယ်။
ငါတို့ကနေ မွေးလာတဲ့ နင့်သားသမီး ငါ့သားသမီးတွေကို ငါတို့လိုဘ၀မျိုး အဖြစ်ဆိုးမျိုးကလွတ်အောင် ငါတို့ဘယ်
လိုလုပ်ကြမလဲ။
သူတို့လေးတွေရဲ့ အနာဂတ်ဘ၀ လုံခြုံစိတ်ချရရေးအတွက် ငါတို့လူကြီးတွေ ဘာလုပ်ကြမလဲ။ဘာသာမတူပေမယ့် ငါတို့ကမွေးလာတဲ့ ရင်သွေးငယ်တွေရဲ့ဘ၀တွေဟာအတူတူပဲဆိုတာ နင်သိပါတယ်။
ဗမာစစ်သားတွေကတော့ သူတို့ကိုယ်သူတို့အစိုးရလို့ သတ်မှတ်ပြီး ငါတို့ကို အမျိုးဖြုတ်ဘို့ လုပ်စရာရှိတာဆက် လုပ်သွားမှာပဲဆိုတာကိုတော့ နင်ရောငါပါ သံသယဖြစ်နေစရာ မလိုပါဘူး။
တစ်ချိန်တုန်းက ဘာတွေပဲဖြစ်ခဲ့ဖြစ်ခဲ့ ငါတို့သားသမီးတွေအတွက် ငါတို့ဘ၀ပေးတာဝန်ကျေပြွန်ဘို့လိုသလို သမိုင်း
ပေးတာဝန်လည်း ကျေဘို့လိုတာပေါ့။ ဟုတ်တယ်မဟုတ်လား။
နင်တို့မိသားစုတွေအားလုံး အယောက်စီတိုင်းကို ဘုရားသခင်ကောင်းချီးပေးပါစေ။
မင်းစိုးစံ
(အဝေးရောက် ကရင်ဒုက္ခသည်တဦး)